తొలకరితో పుడమి పులకరించి

ఆరుద్రను పురుడు పోసుకుంది

ఆ ఆరుద్ర తన అందాన్ని

ఎరుపెక్కిస్తుంటే

శ్రమ జీవులు పొక్కిలిచేసి

సేద్యం చేస్తున్నారు

సేద్యం చెమటను చిందిస్తుంటే

చేలు గింజలను రాలుస్తున్నాయి

ఈ గింజలు ఎవరివి?

శ్రమ అధిపత్యం ఘర్షిస్తున్నాయి

గింజలకై పోరు

శిశిర కాలంలో

యుద్ధంలా సాగుతుంది

ఈ యుద్ధం

వసంతాన్ని ప్రసవిస్తుంది

ఈ వసంతం శ్రమను అలింగనం చేసుకొని

గింజలను

బహుమనంగా ఇస్తుంది

త్యాగాలకు గురుతుగా