పచ్చని పైరులపై

నులివెచ్చని కాంతులతో

బంగారాన్ని అద్దుతూ

ఉదయిస్తున్నాడు

పల్లెల్లో సూర్యుడు

పండు వెన్నెల బద్ధకపు

పొరలకు  వీడ్కోలు చెప్తూ

ఒళ్ళు విరుస్తున్నాడు

భానుడు

దుప్పటి సందుల్లోంచి తొంగి చూస్తూ

వెచ్చని స్పర్శను

శరీరానికి అందిస్తూ

పల్లెను తట్టి లేపుతున్నాడు

అరుణుడు

కుంచెకు రంగులు అద్దుతూ

సూర్యోదయ పల్లె అందాలను కాగితంపై భద్ర పరుస్తున్నాడు

 ప్రకృతి చిత్రకారుడు