కవితలు

(March,2020)

ఎడిటోరియల్ బోర్డు

గౌరవ సంపాదకులు :            ప్రొ. కాత్యాయనీ విద్మహే

సంపాదకులు :                           వంగాల సంపత్ రెడ్డి 

సంపాదక వర్గం :                       దాసరి మల్లయ్య

                                                             ఉప్పులేటి సదయ్య

న్యాయ సలహాదారులు :     ఈదుల మల్లయ్య

‘ప్రియ’తనయ 
 

బోసినవ్వులతో, ముద్దులొలికే మాటలతో,

తడబడే నడకలతో, చిలిపి చేష్టలతో

కన్న హృదయాలను  రంజింపజేసిన

మా ప్రియ తనయ

 

మేధోసంపన్నయై, మృదుభాషియై,

స్నేహశీలియై,బహుముఖ ప్రజ్ఞాశాలియై

తనకు తానే సాటియనిపించుకున్న

మా ప్రియ తనయ

 

పెద్దలయెడ వినయ విధేయతలు,

పిన్నలయెడ  ప్రేమాభిమానాలు ,

తల్లిదండ్రుల యెడ  పూజ్యభావం కలిగిన

మా ప్రియ తనయ

 

ఇంతటి స్నేహశీలిని , ప్రతిభశాలిని ,

వినయశీలినికుమార్తెగా బడసిన

ఆ తల్లిదండ్రులెంత  భాగ్యశాలులోయని

ఎల్లరిచే నుతింపబడిన సుగుణాలరాశి

మా ప్రియ తనయ