మా రచయితలు

రచయిత పేరు:    ఇంజ విష్ణు కుమార్

కవితలు

కరోనా లాక్ డౌన్ 

కరోనా కాచుక్కూర్చుంది

కాలు కదిపితే కాటేసి

కాటికి ఒంటరిగా పంపనుంది

 

ప్రపంచం అంతా ప్రాణభయంతో లాక్ డౌన్ అందీ

లాక్ డౌన్ తో కరోనా కతమైతానందెమో

 

ఒక్కరోజే అనుకున్నాం

చప్పట్లు కొట్టాం ధశ దినం అనుకోనీ దీపాలు పెట్టాం

 

కరోనా ఖతం అనుకున్నాం

ఇక తాలాలు తీస్తారనుకున్నాం  రెక్కలాడు తాయనుకున్నాం

 

నెలరోజులన్నారు గుండెలు

ఆగినంత పనైంది గుబులు

మెదలైంది ఇక్కడెట్ల బతకాలే

 

రెక్కలు ఆడనిదే డొక్కలు

నిండని కూలి బతుకులు

బతుకుజీవుడా అనే వలసబతుకులు

 

ఆకలి ఆగం ఆగం చేయబట్టే

సొంత ఊరు గుర్తుకొచ్చే

బస్సు బండ్లు బందు అయ్యే

 

బతుకు మీద ఆశపుట్టే

బాధలేమో మెండుగాయే

బాటపయనమే తోచబట్టే

 

మూటముల్లే సదురుకుంటీ

సంటిపిల్లల సంకనెత్తుకుంటీ

ఇంటిదేమో ఎంటిదికాదాయే

 

కాలినడకన కదిలితిమి

ఎర్రటెండలు అగడుగాలులు

కాల్లు కమిలే దూపపుట్టే

 

నిప్పులున్నయి కానీ నీల్లు లేవు

ఆరిన గొంతులు కారిన కాల్ల

నెత్తురు దారిన ఎర్రటిమరకలు

 

నిప్పుల గుండాల్లో నడక

వందల కిలోమీటర్ల నరకం

ఇల్లు చేరాలనే ఆత్మ నిర్భరం

 

వట్టి మనిషి కాని ఇంటిది

రోడ్డు పక్కన చెట్టు కిందే

తల్లడిల్లి మరోసారి తల్లైంది

 

పసిగుడ్డుతో పాదయాత్ర కొనసాగుతుంది గమ్యం

చేరాలంటే గమనం తప్పదు

 

వలసకూలీల నడక వ్యతలు

నేటికీ నడుస్తూనే ఉన్నా

విదేశాల్లో ఉన్న స్వదేశీయులకు

 

విమానాల్లో ఇల్లుచేర్ఛడం భలా

దేశలో ఉన్నకూలీలంటే అలా

సుప్రీం చెప్పిందటగా కూలీలను

 

ఎవరు ఆపలేము వారికి

నడిచి పోవాలని కోరికుందని

అప్పుడు అర్ధం అయ్యింది కోర్టు అంటే ?

 

కాలినడకన ఊరు జెరే బాటసారులు ఎంతమందో

ఇల్లు జేరినవారెందరో

 

మార్గం మధ్యలో మరణించిన

వారు ఎందరో దారికే ఎరుక

లేఖరాసి సైకిల్ దొంగలైనారు

 

రాయని చెప్పుల దొంగలెందరో

నీల్లకు అల్లాడిన గొంతుకలెన్నో

ఎండిన రొమ్ముల చనుపాల

కెదిరి చూసిన పసిహృదయాలెన్నో

 

లాక్ అయిన కడుపు తాలంతీయక

కాలుకదపక ఆకలని అడగక

ఉరిపోసుకు కాటికి సాగిన కుటుంబాలెన్నో

 

ఆకలితో దారిలోనే కాలం

చేసిన కడుపులెన్నో

గమ్యం చేరకనే గతించిన జీవితాలెన్నో

 

కరోనాను తెచ్చింది ఎవడు

కరోనా కరువుతో చచ్చింది ఎవడు

 

ఇక సెలవు

బతుకు దెరువు

బతుకు బరువు

 

పగలణకా రాత్రణకా

కాలంతో పయనం

 

పాణమెంతో ఆగమైనా

పరుగాపని బరువులాయే

 

కడుపు నిండదాయే

జేబు నిండకపాయే

 

పిల్లలోకాడ పెద్దలోకాడ

చిన్ననాటి దోస్తులోకాడ

 

పల్లెలెమో సిన్నబోయే

పట్టణాలు స్మశానాలయే

 

బతుకు దెరువుకు

బయలు దేరిన

బాటసారికి...

 

తనువు భారమాయే

కట్టడిలేని కరోనా

మహా ఘోరమాయే

 

బతుకులన్నీ ఆగమాయే

ప్రభుత్వాలు చేతులెత్తే

జీవితాలపై నమ్మకమే పోయె

 

అమ్మా...

కరోన నాకొచ్చినా 

ఆశ్చర్య పోవద్దమ్మా

అనుమాన పడకండమ్మా

మీకు రాకుండా జాగ్రత్త పడాలమ్మా

స్వాతంత్ర్య దినోత్సవ శుభాకాంక్షలతో

తెల్లొడి నుండి నా దేశానికి స్వాతంత్ర్యం వచ్చింది

తెల్లొడు మారిండు నల్లొడి చేతికి స్వాతంత్ర్యం వచ్చింది

దేశంలొ అగ్రవార్ణాల పై మూడింటికి తెలంగాణలొ దొరలు దేశ్ముఖ్ లకు స్వాతంత్ర్యం వచ్చింది

ఆధిపత్య కులాలకు సామాజిక దూరానికి,అసమానతల పెంపుకు,ఆర్థిక దోపిడీకి  స్వాతంత్ర్యం వచ్చింది

బహుజన స్వాతంత్ర్యం వచ్చేదెప్పుడో జెండాలు మోసినోడు జెండాలు కట్టినోడు జెండాలను ఎగిరేసే దెప్పుడో

నాకు ఇంకా ఎప్పుడొచ్చునో స్వాతంత్ర్యం ఆమోదించిన రాజ్యాంగానికి 70ఏన్లు నిండినా

మాట్లాడే స్వేచ్ఛను హరించే రాజ్యం నుండి ఎప్పుడొచ్చునో స్వేచ్ఛ స్వాతంత్ర్యం

ఇష్టదైవానికి నిష్టగా మధ్యవర్తి లేకుండా గర్భగుడిలో భగవంతుని ప్రతిమకు

ఎదురెదురు కూర్చొని కనులార్చి మనసిప్పి విన్నపాలు విన్నవించే స్వాతంత్ర్యం ఎప్పుడొచ్చు నో

నచ్చిన మతాన్ని స్వీకరించి నిర్భీతితో అవలంభించే స్వేచ్ఛ స్వాతంత్ర్యం ఎప్పుడొచ్చు నో

నచ్చిన వ్యక్తిని జీవిత భాగస్వామి గా ఎంచుకునే స్వేచ్ఛ స్వాతంత్ర్యం ఎప్పుడొచ్చు నో

స్త్రీ స్వేచ్చ స్త్రీ పురుష సమానత్వం ఎప్పుడొచ్చు నో

స్త్రీ పట్ల అసభ్య ఆలోచన అపహరణఅత్యాచారహత్యలు స్త్రీ శృంగార ఆటవస్తువుల ధోరణి

ఎప్పుడు మాసిపోతాయో

మానసిక, సామాజిక, ఆర్థిక,మత ,ప్రాంత, రాజకీయరాజ్యాధికార స్వేచ్చా సమానత్వం ఎప్పుడు సిద్దిస్తుందో

నిర్భయంగా నా ఆలోచనలను నలుదిక్కులకు చేరేలా గర్జించే స్వేచ్ఛ ఎప్పుడొస్తుందో

 

 

             

ఈ సంచికలో...                     

Nov 2020