మా రచయితలు

రచయిత పేరు:    పి.శ్రీనివాస్ గౌడ్

కవితలు

ఆకుల మీద మంచు

తియెన్ హంగ్ ( క్రీ.పూ.3 శతాబ్దం )

ఆంగ్ల మూలం : కెన్నెత్ రెక్స్ రాత్

 

ఆకుల మీద మంచు

సూర్యరశ్మి రాకతో మాయమౌతుంది.

ఉదయం ఆవిరయిన మంచు

మళ్లీ రేపు తెల్లవారుజామున

పొటమరిస్తుంది.

 

మనిషి మరణించాక

ఎప్పుడైనా ఎవరైనా

అలా తిరిగొచ్చారా..?

 

మహమ్మారి పద్యాలు

ప్రపంచ వ్యాప్తంగా కరోనా వైరస్ పెనుమార్పులు తీసుకువచ్చింది.మానవాళిని అతలాకుతలం చేసింది.

దాని వల్ల మనం ఊహించని ఎన్నో పరిణామాలు మన మధ్య చోటు చేసుకున్నాయి.మానవ సంబంధాలు సరికొత్తగా నిర్వచించబడినవి.ఆర్థిక వ్యవస్థలు తలకిందులు అయినాయి.

మానవ జీవితాల్లో సరికొత్త విషయాలు వచ్చిచేరి అందరి జీవన శైలిని ప్రభావితం చేసాయి.కొండొకచో కొన్ని విషయాలు మాయమయాయి..కొన్ని విషయాలు రూపాలు మార్చుకున్నాయి..

లోకాన ఇన్ని మార్పులు సంభవిస్తున్న సమయంలో .. హైకు కవులు ఎలా స్పందించారు..ఎలా మారిన మానవ సంవేదనలు పట్టుకున్నారు..ఎలా ఈ కల్లోల కాలాన్ని

ఈ చిన్న చిన్న పద్యాల్లోకి కూర్చారో చూడండి.

 

కరోనా వైరస్-

కొన్ని పనులు కొట్టేసాను

నా దినచర్య నుంచి

 *                 -- మైఖేల్ డిలాన్ వెల్చ్/గ్యారీ హాథమ్

 

భౌతిక దూరం-

ద్వారం దగ్గర ఆహారం వదిలెళ్తూ

ఓ మిత్రుడు

*                   -- సి.జె.ప్రిన్స్

 

భౌతిక దూరం-

కేఫ్ లో ఎవరికి వారు

ఫోనుల్లో మునిగి

*                   -- డేవిడ్ జె.కెల్లీ

 

భౌతిక దూరం-

అందరితో కలిసి

పార్కులో ఒంటరిగా

*                   -- మైఖెలె రూట్- బెర్న్ స్టైన్

 

భౌతిక దూరం-

నవ్వులు మార్చుకున్నాం

మాస్క్ ల లోంచే

*                   -- రష్మి వెస

 

భౌతిక దూరం-

రోజూ శ్మశానం పక్క నుంచే

నా షికారు.

*                  -- ఒలివర్ స్కూఫర్

 

ఓ రిపబ్లికన్..

ఓ డెమోక్రాట్..

ఒకటే వైరస్-

*                  -- బ్రూస్ హెచ్.ఫెయిన్ గోల్డ్

 

క్షీణిస్తూ చంద్రుడు-

ఇప్పుడు అందరం

మూసుకొని లోన వున్నాం

*                 -- మ్యాథ్యూ కెరెట్టి

 

కరోనా వైరస్-

బంధించి వుంచాను

నా భయాలని

*                 -- రోజర్ వాట్సన్

 

క్వారంటైన్-

జనమున్నట్టు ఊహించుకొని

అతను బాస్కెట్ వేసాడు.

*                    -- డేవిడ్ గ్యారిసన్

 

క్వారంటైన్-

ఎక్కడున్నామా అని 

పక్షులు ఆశ్చర్యపోతాయా..

*                       -- టిమ్ మర్ఫీ

 

*******    ********

 

ఈ సంచికలో...                     

Nov 2020