గాయాలను గేయాలుగ రాయలేక పోతున్నా
భారమైన భావాలను మోయలేక పోతున్నా
గతించినా జ్ఞాపకాల భవంతిలో బంధీనై
తలుపుతీసి బయటడుగే వేయలేక పోతున్నా
మోసమన్నదెంత సేపు బాధైతే సమానమే
నువు చేసిన ఆ తప్పే చేయలేక పోతున్నా
సమాధిలో శవాలుగా కవిత్వాలనే చుట్టీ
కర్కశంగ నా చేతనె తోయలేక పోతున్నా
మూగబోయి సాగలేక పదాలుగా పైకెగసే
మనసులోని మాటలనే దాయలేక పోతున్నా
May 2023
కవిత్వం
కథలు
వ్యాసాలు
ఇంటర్వ్యూలు
