వాడు

కిలో ఉల్లిగడ్ద

రెండొందలైనా నోరిప్పడు

వాడు

ఆకలితో నక నక లాడే

జనం గురించి

కనీస విషాదం వెలిబుచ్చడు

వాడు

సదువంతా సర్కారులోనే

ఉండాలని యెన్నడూ కోరుకోడు

వాడు

సదువులోన అమ్మ భాష

పనికే రాదంటాడు

అంగ్ల భాషే ముద్దంటాడు

వాడు

సదువుల తల్లి సరస్వతంటాడు

కాని మహిళలు మాత్రం

వంటింటి కుందేల్లంటాడు

వాడు

కార్పోరేటుకు రెడ్ కార్పెట్ పరిచే

సర్కార్ను చూస్తే వానికెంతో సంతొషం

మట్టిలోని వనరులెన్నో మటుమాయమైనా

మాటవరుసకైనా వాడు మనసిప్పడు

వాడు

రాజ్యంగపు రాతల్ని

నిరంతరం చెరిపెయ్యాలని

చూస్తూ ఉంటాడు

పైగా వాడు

అసలు సిసలైన

దెశభక్తున్నని

తెగ ప్రచరం

చెసుకుంటునే ఉంటాడు

సమాజాన్ని అతలాకుతలంజెసే

సామజిక సమస్యలపై

స్వేచ్చగా చర్చించే వాల్లంతా

దేశద్రోహులేనట

వాడొక్కడే

అసలు సిసలైన

నికార్సైన దేశభక్తుడంట

సామాన్యుని గుండెను తాకని 

అర్థంగాని గ్రాంథిక భాష

నాకు అంతగా తెలియదు

పక్కాగా తెలంగాణ 

జనజీవనంలో మెదిలినోన్ని

దేన్ని కవిత్వమంటారో

బొత్తిగా తెలియదు

పదబంధాల పొందిక తెలియదు

మర్మగర్భపు మాటలు

అసలే తెలియవు

తెలిసిందల్లా

బీదా బిక్కి  దళిత గిరిజన

బడుగు జీవుల శ్రమజీవుల

నిరుద్యోగుల వలస జీవుల

అష్ట కష్టాలు ఆర్తనాదాలు

మానవత్వపు స్పర్శలే

ఎవరు దేశభక్తి ఉన్నవాళ్లు

అంబేడ్కరా

గాంధీజీనా గాడ్సేనా

భగత్ సింగా సావర్కరా

ఎవరి సిద్ధాంతాలు

ఏ వర్గ ప్రయోజనాలకు

దాసోహమన్నాయో

తెల్సుకోని దుస్థితిలో

కొట్టుమిట్టాడుతున్నాము

అందరూ దేశభక్తులైతే

ఎవరి పరిస్థితులు

వారికుంటాయంటే

ఇక తెల్సుకునేది

సామాన్యులకు ఏముంటుంది

ప్రైవేట్ రంగాలు

ప్రజల రక్తమే కాదు

మూల్గతో సహా

పీల్చుతాయని తెలుసు

ప్రభుత్వ రంగాలు

ప్రజల సంక్షేమము కోసమే

తండ్లాడుతాయని  తెల్సు

అయినా

ప్రతీ రంగమూ గొప్పదనేవాళ్లకు

మనం ఏం చెప్పగలం

హిందూ మతము మంచిదే

ఇస్లాం మతము మంచిదే

క్రైస్తవ మతము మంచిదే

అన్ని మతాలు

మంచివే ఐతే

మరి మతవిద్వేషాలు

ఎందుకు రెచ్చగొట్టబడుతున్నాయో

తెల్సుకోనంత కాలం

జనమంతా మోసపోతూనే ఉంటారు

మూఢ నమ్మకం అజ్ఞానమని

ప్రజలను

నిండా ముంచుతుందని  తెల్సినా

ప్రతీ మూఢనమ్మకాన్ని

సైన్సులోని ఏదో ఒక అంశాన్ని

ముడిపెట్టి  అదీ మంచిదేనని

సమర్ధించుకునేవాళ్లకు

ఏమి చెప్పగలం

రెండు నాల్కల ధోరణి

సమాజానికి చేటని

తెల్సుకోనంత కాలం

మోసపోతూనే ఉంటాం